Tekst piosenki 'Schamts Eich Ihr Ruhig Für Mi' wykonawcy Hans Söllner

Imma war oana do der ma sein Schmarn vor g'red hot
der ma Ratschläg gem hot wia ma richtig lebt
der ma g'sogt hot wia i's zu was bringa konn
und der ma vor g'jammert hot was ma no ois feid
Mei Vadda hot ma g'sagt i sois amoi besser ham wia er
und hot mi zwunga das i sachan mach de i garnet woit
hot ma g'sagt wia ma se oziagt und wia ma se benimmt
und wann i ma meine Haar abschnei'n soit
In da schui woitn's ma leana wos i meina Lebtag eh nimma brauch
und wia i eam da vorn in sein Arsch eini kriach
daß i a wenn i im Recht bin mei Mei hoit'n muaß
und wia ma Leit de ma net mog freindlich griaßt
Wia ma se bedankt für jed'n Scheiß
und daß da Ehrliche oiwei da G'scheide is
aba nua wenn i des do hät wos ma er vornan sogt
dann hät i a de besser'n Not'n kriagt

Schamts eich ihr ruhig für mi i scham mi a so für eich
lasst's mi macha wos i macha mog ja i red eich doch a net drei
lasst's mi oziang was i mog lasst's mi mei Lebn lebn wia i's vertrog
seid's froh daßd's net tauschen miast's mit mia
i dat mi a net wohl fühln wenn i war wia ihr

Immer hob is G'fui g'habt daß irgendoana hinta mia steht
der mi zu dem macha mecht wos a jetzt grod braucht
der sogt das i anständig essen soi
aba i hob g'fressn wia de gräßte Sau
I mach's Gegenteil von dem wos ihr glabt's daß i macha soit
und meine Haar schneid i ma wenn's eich nimma störn
leckt's mi doch kreizweis wenn's woit's aba heat's endlich auf
des G'schwafä konn i nimma hean
I habs gottseidank bis heit no net nötig g'habt
daß i mach was andre Leit zu mia song
hob an da Isar drunten pennt weil i koa Wohnung g'fundn hob
und für a Loch woit i net fünfhundert Mark zoin
I sog wos i mog und wenn's eich olle no so wenig passt
und wenns olle glabt's daß i's nia zu was bring
fui schlimma war für mi daß i sowieso irgendwann g'spann
daß i bloß oglong woan bin mein ganz' Lebn

Schamts eich ihr ruhig für mi ja Leid i scham mi a so für eich
lasst's mi macha wos i macha mog ja i red eich doch a net drei
lasst's mi oziang was i mog lasst's mi ausg'flippt ummananda renna jedn Dog
seid's froh daßd's net tauschen miast's mit mia
i dat mi a net wohl fühln wenn i war wia ihr
seid's froh daßd's net tauschen miast's mit mia
i dat mi a net wohl fühln wenn i war wia ihr