Tekst piosenki 'Alles bliibt anderscht' wykonawcy Brandhärd

Alles blyybt anderscht

Isch's das? Was, wenn alles scho verbyy isch?
Dr Zenit überschritte, aber uns fehlt d'Yysicht.
Langsam wird's lyyslig wie dr Winter wo Rueh bringt
und die einzig Konstante isch dr Mond wo zuenimmt.
Eigentlich bin-y guet gstimmt, s'isch nur e Gedankespiel.
Mi Geischt schweift und ych fühl mi wie im falsche Film.
Y weiss nid ob er mr gfalle will, doch y gniess mi Sitzplatz
und so lueg ych und wart, doch niemer bricht ab.
S'isch als ob durch die Beachtig wo uns jetzt zuteil wird
ych no meh ins Absyts treit wird, ych weiss nid,
teilwyys üeb mich lieber in sozialer Askese,
bevor ych Amok lauf in dr Stadt mit Machete.

Alles blyybt anderscht, egal wie's d'Zyt wandled.
Y bi verwirrt und gstresst und das ganze syt langem.
Bi zwor scho so wytt gange, aber sehn mich nach Rueh.
Ych ha jensyttig z'tue, oft wär weniger gnueg.

Ych scheitere viel z'oft an mine eigene Aasprüch
und benötige Zytdruck, dass ych mi Arsch lüpf.
Dä verdammti Leistigsdruck macht mi meist kaputt,
drum bin-y au oft so verschlosse, us Eigeschutz.
Früehner hän s'mi unterschätzt, jetzt bin-y bsunders fett.
Drbyy fühl mi immer no glyych, ych bi nur dr Fetch.
'Wirk uf dr Bühni viellicht souverän und abklärt,
benimm mich so ziemlich, als ob ych dr Maa vom Fach wär.
Y will nid druff acht gäh, wie mr mich betrachtet.
S'isch mr relativ glyych, was für es Bild ihr euch bastled.
Trotzdäm han-y Schiss, dass sich kein in mini Text versetzt,
Schiss, dass ych drmit irgend öpper z'fescht verletz.
Was dänksch, wie oft hett sich scho dr Fetch verschätzt?
Y bi nid euer Messias, bruuch sälber e retter jetzt!
Bruuch es Tete-à-Tete mit öpp'rem wo öppis über mis Innere weiss
und mr e Uswäg zeigt us miner Zerrisseheit.

Alles blyybt anderscht, egal wie's d'Zyt wandled.
Y bi verwirrt und gstresst und das ganze syt langem.
Bi zwor scho so wytt gange, aber sehn mich nach Rueh.
Ych ha jensyttig z'tue, oft wär weniger gnueg.

Ych weiss nid was und wohyy ych will, kei Ziel in Sicht.
Nur viel z'viel Mischt syt dr Zyt won-y chly gsi bi.
„Aber Fetch, verzwyyfle nid, du weisch jo dass es guet kunnt.
Dr Wäg isch's Ziel und usserdäm bisch no gnueg jung.
Es wär zue dumm, jetzt mit em Schicksal z'hadere.
Dumme bueb kumm, und hör mol uf labere.
Immer die Klage: „d'Wält isch bös" das ka mr lutt sage,
jetzt riss di zämme, s'isch ächt zum us dr Hutt fahre!"
Jo, isch jo guet, merci für dr Arschtritt.
Hesch nid gmerkt dass-y am Start bi? - Ych wart nid.
Also vorwärts, mach chli, jetzt gib-y e Fick druff,
pack mi Sack, brich uf und wirf kei Blick zrugg.

Alles blyybt anderscht, egal wie's d'Zyt wandled.
Y bi verwirrt und gstresst und das ganze syt langem.
Bi zwor scho so wytt gange, aber sehn mich nach Rueh.
Ych ha jensyttig z'tue, oft wär weniger gnueg.

Cuts: Denk an mich wenn's die Scheisse geht. Hör die Rhymes, dann begleit ich dich.